Uavgjort mot Bjørnar
26.11.2014
Damelaget tok i mot Bjørnar på tirsdag, og hadde nok venta eit anna resultat mot dei blåkledde som før kampen kun stod med ein siger på sju kampar. Etter ein god start der Stord kjapt fekk ei komfortabel leiing, hang gjestane seg på og sørga for å gå til pause kun fire mål bak.
Andre omgang bar preg av lite finspel, og heimelaget måtte slite for kvar nettkjenning. Bjørnar knappa inn leiinga utover i omgangen, og fekk utlikninga si med et drøyt minutt igjen å spela. Ingen av laga makta å score fleire mål, slik at kampen enda 20-20.
Med dette resultatet vert Stord liggande på 3. plass på tabellen, fire poeng foran neste heime-motstandar Kjøkkelvik.
Sjå resultat og tabell på handball.no
