Denne helga brakar det laus på Vikahaugane når våre jenter kastar iceserien i gong mot Østsiden Fredrikstad og Monolitten. Me gler oss til ei utruleg kjekk helg med trøkk og stemning i hallen, og håpar på at flest mogleg tek turen og delar opplevingane med oss.
Me startar med mange kjekke 10-, 11-, 12- og 13-årskampar i hallane på lørdag før våre jenter tek i mot Østsiden Fredrikstad i årets første kamp i iceserien! På søndag spelar først Østsiden Fredrikstad mot Monolitten før våre jenter avsluttar icerunden mot Monolitten.
Lørdag 14. november
Kl. 18.00: Stord – Østsiden Fredrikstad
Søndag 15. november
Kl. 10.00: Østsiden Fredrikstad – Monolitten
Kl. 14.00: Monolitten – Stord
Dette er første av i alt fire rundar i iceserien. Jentene har blitt plasserte i avdeling 3 kor dei skal spela mot åtte andre lag. Vinnaren av avdelinga går vidare til sluttspelet (saman med dei to beste 2. plassane i dei total seks avdelingane).
Gutane reisar østover
Gutane våre tek turen over fjellet i sin første runde, kor dei skal spela mot Runar og Gjerdrum i Sandefjord. Gutane skal spela i avdeling 2, og her er det dei to beste i kvar av dei fire avdelingane som går til sluttspelet. Me gler oss til gutane skal ha sin heimerunde i slutten av februar og ønskar dei lukke til i Sandefjord i helga!
Me er klare. Lydanlegget er finjustert, trommeskinna er nyspente, flagga er nystrøkne og alt ligg til rette for at me kan skapa magiske opplevingar for spelarar, trenarar og ikkje minst publikum. Me håpar så mange som mogleg har lyst å dela dette med oss. Me byr på handball på nasjonalt toppnivå i stemningsfulle rammar, og med gratis inngong for alle kan me ikkje komma på ein einaste god grunn til å ikkje komma i hallen i helga🤩