Me er glad for å styrkje klubben med Jørund Løken inn som ny fysisk trenar for komande sesong. Løken er utdanna med Master i idrettsvitenskap og praktisk-pedagogisk utdanning. Han tok valfag i ernæring og personleg trening, og har publisert forskingsartiklar med tema om styrketrening, eksplosiv styrke, kasthastigheit og teknikk. Han har relevant arbeidserfaring som lærar på idrettsfag på Stord vidaregåande skule og treningar for Stord Friidrett og Stord Fotball. Løken har det siste året vore ein av instruktørane på morgonøktene i Stordløftet.
Løken skal ha styrkeøkter med fleire ungdomslag, vere ein ressurs for ungdoms- og seniortrenarane og bidra med testing for fleire treningsgrupper i klubben. Me ser fram til å nytte oss av Løken sin kompetanse!
