Helga 4. og 5. oktober spelte J16 siste kvalifiseringsrunde til den nasjonale Bringserien for 16-åringar. Etter tre solide sigrar mot Askøy, Eidsvåg og Høyang i Eidsvåghallen i Bergen var saka klar; jentene skal spela Bringserie denne sesongen!
Bak f.v.: Beate Almås, Norah Clausen Tverborgvik, Live Breidvik Røstbø, Mie Søgaard, Malene Engevik Hatlevik, Eirill Knudsen Kaldestad, Mille Mikkelson Sæther, Nora Skorpen Wilhelmsen, Ingrid Nysæther Almås
Foran f.v.: Leah Danielsen, Melinda Lundgjerdingen, Aina Bekkenes Gniste, Hannah Eriksen Raunholm, Isabella Dimaya Jakobsen, Martha Tyse Stokken, Thea Auestad-Severinsen, Mathea Eriksen Raunholm
Det er heile elleve (11!) år sidan sist Stord Handball hadde eit jentelag i den nasjonale serien, så dette var utruleg kjekt for heile klubben. No skal jentene måla krefter mot dei beste laga i landet, og er sett i avdeling med HK Eidsberg, HK Rygge, Lund, Nærbø, Rollon, Sandefjord, Storhamar og Ull/Kisa. Vinnaren av avdelinga vert kvalifisert til det nasjonale sluttspelet på austlandet i mai. Laga spelar to kampar i løpet av ei helg, og desse helgerundane vert arrangert over heile landet. For våre jenter går turen går til Oslo i januar og april, til Ålesund i februar – men først skal alt kastast i gong her heime på Stord!
HEIMERUNDE PÅ VIKAHAUGANE
Den siste helga i november skal me arrangera ein runde i den nasjonale Bringserien for Jenter 16 her på Vikahaugane – og me håpar på STINN BRAKKE! Me skal laga til eit strålande arrangement med lyd, lys, røyk og forhåpentlegvis mykje trøkk frå tribunen! Det blir også konkurranse internt mellom Stord-laga om kven som stiller med den beste heiagjengen, og ikkje minst kjekke pausekonkurransar for alle på tribunen i alle Bringkampane. Kampane vert streama på TV2 via MyGame, så her har me høve til å visa heile landet at me kan laga trøkk og stemning i verdsklasse!
HEILAFTEN PÅ LAURDAG 29. NOVEMBER
I tillegg til Bringkampen laurdag ettermiddag kan me og by på to 14-årskampar og både herre- og damekamp. Det er med andre ord klart for ein skikkeleg festdag i Nyehallen rett før adventskalenderane skal opnast. Her er heile menyen:
LAURDAG 29. NOVEMBER
kl. 11.00: Stord – Bergensdalen (J14)
kl. 12.00: Stord 3 – Mathopen (G14)
kl. 14.00: Stord – Kjøkkelvik/Mathopen (Herrer 3. divisjon)
kl. 16.00: Stord – Bjarg (Damer 3. divisjon)
kl. 18.00: STORD – INDRE (BRING J16)
SØNDAG 30. NOVEMBER
kl. 10.00: INDRE – HK RYGGE (BRING J16)
kl. 12.00: Stord – Kjøkkelvik (G12)
kl. 14.00: HK RYGGE – STORD (BRING J16)
KOM I HALLEN OG HJELP JENTENE FRAM TIL SIGER!
Det er GRATIS INNGONG både laurdag og søndag på alle desse kampane. Ta med deg familie og vener og bli med å laga fantastiske rammer rundt dette arrangementet! Hald av datoen og set advents- og juleførebuingane på pause nokre timar og ver med på å heia fram jentene våre til gode prestasjonar og opplevingar i Bringserien!
#viljesamhaldrespekt