Gode festivaldeltakarar!

Fristen for påmelding til tidenes største Handballfestival går ut i desse timar og me kan vel sei at no er det fullt! Me har passert 340 lag og eg kan garantera eit yrande liv på Stord i Pinsen.

Me har følgt nøye med på påmeldingane og me er audmjuke for at me er blitt ei så populær turnering, det er ein god attest til oss som arrangør og svært gledeleg at dette treff i saman med vårt 25 års-jubileum. Utfordringane for oss som arrangør står i kø, me vil få auka press på banar, innkvarteringsplasser, kantine og andre områder, men me lover og gjera alt for at alle skal få spela mange kampar, skal få ein plass å sove, og skal få rikelig med frukost og middag! Me vil minne folk på at det kan vera litt meir køar rundt om kring, samt at ein god del av deltakarane må førebu seg på å bu på ein skule utanfor sjølve festivalområde.

For at alle skal vera så godt førebudd som mogleg så vil me prøva å sende informasjon til alle laga kvar dei skal bu. Då kan ein planleggja litt betre og kanskje kjøra direkte til der ein skal bu utan først å sjekke inn på Vikahaugane. Meir informasjon om dette kjem i midten på mai. For at me skal få dette til er det viktig at alle bestiller A-kort/B-kort så fort som mogleg. Bestillingane kan endrast fram til 1. mai, men det hjelper oss godt om me får på plass eit ca. tall så snart som mogleg.

Gode nyheiter i år er at Rackethallen på Vikahaugane er klar for handballspel igjen etter pause i fjor. Den er viktig for oss for å sikre at dei eldste klassane skal få spela i hall. Me vil også nytta den flotte Nordbygdohallen, som me har nytta dei siste åra. For at kampavviklinga skal gå så bra som mogleg så vil me starte nokre klassar fredag kveld kl. 20-22 + laurdag kl. 8-10, her vil me nok prioritere dei store puljene (J12 + J13, mogleg fleire også). Dette vil kome fram i kampoppsett. Me ynskjer at alle legg inn i påmeldinga kor tid dei kjem, slik at me kan sjå på det i forhold til tidleg kampstart.

Til slutt vil eg oppfordre alle til å ta kontakt om de lurer på noko, det er stor pågang på kontoret vårt, så send oss gjerne ein e-post (post@handballfestivalen.no) så vil me prøve å svare dykk. Heimeside og Facebook vert også oppdatert fortløpande, så her er lurt å sjekke innimellom.

Venleg helsing
Handballfestivalen 2014 

Kjartan B. Grov 
Festivalleiar