GØY MED KAMP!
Søndag arrangerte me internkampar for dei minste laga våre i Nyehallen. 
Totalt 14 lag frå jente- og gutelaga fødde i 2012 og 2013 møttes til eit yrande gjensyn med handballaktiviteten. For nokre var dette første kamp på over eitt år, medan for nokre var dette det aller første møtet med handballkampar.
Me hadde om lag 70 spelarar i aksjon spredd ut over heile dagen og det vart spelt kampar på kryss og tvers av alder og kjønn i tråd med gjeldande retningsliner for smittevern.
Heile kampdagen vart streama på JOYMO slik at foreldra og familie kunne sjå kampane frå heimen - noko som er svært kjekt så lenge me har begrensningar i kor mange personar som kan vere fysisk tilstade i hallen.
Kampane vart leia med stø hand av våre unge og talentfulle dommarar - og me ser tilbake på ein flott dag med nøgde jenter, gutar, foreldre og trenarar!
Me gler oss allereie til neste gang!
vilje :: samhald :: respekt
