Koste seg i Veteran-NM
Eit av haustens vakraste eventyr i handballen er Veteran-NM. Kvart år samlar i underkant av to tusen handballvener seg til ei heidundrande helg med handball av ymse kvalitet, eit stort antal strekk- og akillesskadar - og ikkje minst ein fantastisk sosial tilstelning.
Stord stilte i år med tre lag; eit i Jenter 35 år, eit i Gutar 35 år - og ikkje minst dei mykje omtalte "gutane" i Gutar 60 år.
Pangstart for jentene
Jentene opna gruppespelet forrykande med sigrar 19-8 mot Sandnes og 14-7 mot Skiens Ballklubb før dei måtte sjå seg slått av Nannestad. Dei gjekk vidare til sluttspelet som puljetoar, men det vart diverre brått slutt i 16-delsfinalen mot Farsund. J35-klassen vart vunne av Stabæk.
Mykje innsats og spelarglede i J35-gjengen! Bak frå venstre: Beate Eltarvåg Gjesdal, Monica Våge Helland, Tiril Tønder, Anita Moen Hakestad, Christine Steenstrup, Cecilie Eriksen Raunholm, Ellen Salomonsen, Marte Wirum og Monica Litlabø. Foran frå venstre: Emma Eltarvåg Gjesdal, Therese Tertnæs, Barbro Grov, Else Marie Pedersen Søgaard, Marit Smith Løkhammer og Monica Mangerøy.
Tøft for gutane
Gutane i 35-årsklassen rapporterte om eit trøblete puljespel grunna skadar og sjukdom. Den første gruppespelskampen vart vunne komfortabelt 19-11 mot Utleira, før det vart tap mot Fet (11-13) og Bjørndal (12-21). Med det var gutane ute av turneringa denne gangen. Klassen G35 vart vunne av Haslum.
Dei gamle er eldst!
Det var knytt stor spenning til klubbens eldste utøvarar; G60-gjengen. Dei innleia fredagen med to klare tap mot Skiens Ballklubb (3-12) og Hauketo (3-15), og skulle med dei resultata ut i plasseringskamp om 5. plassen på lørdag. Det kunne sjå ut som gutane måtte ha nokre kampar for å spela inn systema, for Årvoll vart satt greit på plass med sifra 7-3 på lørdagen, eit resultat som gjorde at Stord G60 kunne smykka seg med tittelen Noregs 5. beste 60-årslag!
Imponerande spreke 60+-åringar på Stord G60! Bak frå venstre: Eduard Dahl, Knut Steinar Engelsen, Terje Lie, Sune Faugli, Per Olaf Lillebø og Jostein Tvedte. Foran frå venstre: Jarle Tornes, Magne Jostein Mikkelson, Geir Rommetveit, Martin Eltarvåg, Inge Engelsen og Odd Stuve Rommetveit. Kåre Løkhammer var diverre sendt til legevakten med røket akillessene då bilete vart tatt.
Rapportane tydar på at alle tre laga har hatt ei fantastisk kjekk helg - og me håpar alle "satsar" vidare til neste års turnering i Stavanger:)
