Ny sesong - nye moglegheiter!
Laurdag 13. september brakar det laus i Oshallen, sesongen 2014/2015 er i gong!
Årets lag er eit rutinert mannskap med ein gjennomsnittsalder på 27 år. Me har hatt ein lang og god oppkjøring, og laget føler seg godt rusta før seriestarten. Me mønstrar eit mannskap som er klare for poengfangst, og som samstundes er spente på kva årets sesong kan bringe!
| Siri Eide Børtveit, Henriette Hansen, Helene Oksholm Matre og Ingvild Kannelønning |
Det vert og nokre nye fjes å sjå i år. Siri Eide Børtveit har tatt steget opp frå eiga ungdomsgruppa, Henriette Hansen er klar til å klinka til igjen i Storddrakta, Helene Oksholm Matre har meldt overgang frå 1. divisjonslaget TIF Viking (kor ho vart toppscorar i fjor) og Ingvild Kannelønning har takka for seg i Fitjar IL og vert å sjå i Storddrakta. Me er veldig glade for at desse fire har vald å satsa med oss i år - og ønskjer dei hjarteleg velkomen og lykke til!
Første heimekamp vert spela mot forrige sesongs seriemester Førde den 21. september klokka 14:00 i Nyehallen. Me sjåast vel i hallen?
Vel møtt!
