Stor oppslutning om Handballdagen
20.06.2014
Stord HK og Stord Handball arrangerte fredag handballdag for 8-12 åringar. Fokus på dagen var å prøve å ta Handballforbundet sitt teknikkmerke.
Over 60 born deltok, og arrangør Bjørn Lindgård kunne sjå framifrå innsats frå alle som ein.
Det vart delt ut raude teknikkmerker til samtlege, og ein god del kunne også henta ut bronse-merket.
Borna fekk med seg prøvelappane heim, slik at dei som ikkje kom heilt i mål denne dagen kan fortsette å prøva heime og på treningane til hausten.
Det å ha noko å strekka seg etter, som desse merkene, er særs motiverande og me oppfordrar trenarane i dei ulike laga til å følge opp dette med borna på trening til hausten.
Tusen takk til alle borna som var med - me håpar dei hadde ein kjekk dag i lag med oss i Nordbygdo!
