Surt tap for herrelaget
| 2. divisjon herrer avd. 3, Vikahaugane 17. november |
| STORD - FALK HORTEN 2 26-27 (15-13) |
| Stord: Nils Kristian Blom 4, Vegard Hareide 4, Morten Moldrup, Lars Erik Eide 3, Tobias Hovet Brandvik, Jørgen Lunde Flotve, Hans Kristian Kjellsen 7, Jon Vatna Tømmervik 1, Sondre Heggøy Kjelsnes, Jonas Sørheim, Marius Jonassen Lunde 1, Jonas Polden Brekke, Fredrik Tranøy Loftheim 6 |
| Toppscorar Falk Horten 2 : Emil Djupvik Jahr 10 |
| Utvisningar Stord: 2 x 2 min |
| Utvisningar Falk Horten 2: 1 x 2 min |
Stord gjekk på eit surt tap i dagens kamp mot Falk Horten 2. Til tross for at Stord tidvis stod godt i etablert forsvar, fossa Falk Horten av gårde på kontra, og fekk banka inn mange enkle mål på den måten, etter pasningar av høg klasse frå målvakt Henrik Kjølsrud. Etter kvart skjøna Stordspelarane at det ville verta avgjerande å springa heim etter at dei mista ballen, noko som fekk Falk Horten litt ut av balanse. Stord festa eit lite grep om kampen mot slutten av 1.omgong, etter å ha tvinga Falk Horten til å spela meir etablert angrep.
Hans Kristian Kjellsen var sentral for Stord, og scora 7 mål
Dagens kamp var prega av at Stord mangla ein del sentrale spelarar. Vegard Hareide har slitt med sjukdom heile veka, Petter Skimmeland, Mathias Meløy Nilsen, Lars Løken og William Sæther ute, måtte trenar Morten Moldrup sjølv ikle seg Storddrakta og entra banen. Mange brente sjansar og litt for lite hjelp av målvaktane gjorde at det diverre ikkje holdt heilt inn for Stord denne gongen, og dei måtte sjå seg slått med eit mål etter eit rotete 2. omgong mot eit Falk Horten lag som på ingen måte var umoglege å slå.
Trenar Morten Moldrup i aksjon for Stord
Moldrup sa følgjande etter kampen: "Me er ramma av mange skader og avbud i dag, utan at det skal vera ein unnskyldning, då det bør vera fullt mogleg å slå dette laget. Me må likevel anerkjenne at lagidentiteten ikkje er stabil når me mangler så mange bærande spelarar. For min egen del hadde eg håpa at eg slapp å spela, og det er ikkje noko eg ynskjer å gjera til ein vane, men grunna situasjonen i dag hadde me kun ein venstreback og ein midtback."
