Tap for herrelaget
| 2. divisjon herrer avd. 3, Vikahaugane 20. oktober |
| STORD - BJØRNAR 23-32 (11-15) |
| Stord: Jørgen Lunde Flotve, Sondre Heggøy Kjelsnes - Fredrik Tranøy Loftheim 6(2), Mathias Meløy Nilsen 3, Petter Hovland Skimmeland 3, Jon Vatna Tømmervik 3, Lars Løken 3, Vegard Hareide 2, Hans Kristian Kjellsen 2, Lars Erik Eide 1, Tobias Hovet Brandvik, Jonas Sørheim, William Julin Hidle Sæther |
| Toppscorer Bjørnar: Tarjei Bjørkum Vereide 7 |
| Utvisninger Stord: 4 x 2 min |
| Utvisninger Bjørnar: 2 x 2 min |
KAMPEN
Det vart ein tung dag for Stordherrenes 2. divisjonslag sundag kveld. Kampen mot Bjørnar vart tøff, og Stord gjekk på sitt sjette tap denne sesongen, og falt ned på botn av tabellen.
Laga følgde kvarandre tett dei fyrste åtte minutta av kampen, før Bjørnar drog i frå, og skaffa seg tre-fire måls leiing. Stord spela til tider godt i både forsvar og angrep, men Bjørnar spela tålmodig og kom nesten alltid til gode avslutningar. Tidvis store hol i forsvaret gjorde jobben vanskeleg for Jørgen Lunde Flotve i Stordmålet, som redda mykje av det det angrepssterke Bjørnarlaget kom med. Stillinga til pause var 11-15, og Stord var på det tidspunktet framleis med i kampen.
Fredrik Tranøy Loftheim vart Stord sin toppscorar med seks fulltreffarar
2. omgong starta trått for Stord, og det var Bjørnar som scora dei tre fyrste måla. Men Stord gav ikkje opp, og frå å ligga under 11-18 henta dei inn noko av forspranget, og 6 minutt ut i omgongen er forskjellen mellom laga kun 4 mål. Med 20 minutt igjen av kampen byrjar Bjørnar for alvor å dra i frå. Stord scorer innimellom, men ein god keeper frå Fitjar i Bjørnarmålet, Ørjan Bondevik, redder mange av Stords gode moglegheiter.
Stord har for lite å spela på framover, og pådrar seg fleire utvisningar bakover. Mot slutten av kampen framstår Stord som eit lag som har mista trua, forsøka på mål var halvhjerta, og forvaret var i oppløysing. Sluttresultatet vart 23-32, oppsummert som ein periodevis grei kamp av Stord, men ujemnt i store periodar.
Petter Hovland Skimmeland kjempar seg gjennom Bjørnar-forsvaret
Trenar Morten Moldup var skuffa etter kampen. "Det virker som gutane fort mister trua, og at dei mangler tillitt til systema. Til og med når me kun er 4 mål bak virker det ikkje som laget har trua. Forsvarssjef Nils Kristian Blom var sårt sakna i midtforsvaret, i tillegg til at han er ein målgarantist i kampar som denne. Resultatet blir stygt når gutane gir opp mot slutten, og Bjørnar får kontra inn enkle mål utan særleg motstand. Her er det berre å legga ned meir hardt arbeid, og få gutane til å tru på det dei driv med" seier Moldrup etter kampen.
Juryen kåra Jørgen Lunde Flotve til banens beste spelar for Stord.
