Tusen takk Tore!!!
Tore Hammer har vore ein sentral person i Stord Handball i ei årrekke, men forrige sesong vart diverre den siste for den engasjerte idrettslæraren.
Tore har vore trenar i idretten i 37 år. Han byrja som brytetrenar på klubbnivå i 1984, steig kjapt i gradane og vart henta av juniorlandslaget i 1986 før han tok steget inn opp til seniorane året etter.
I 1996 flytta Tore til Stord. I frå 1998 og meir eller mindre samanhengande fram til i dag har Tore vore fysisk trenar i Stord-handballen på elitenivå, og kring dei to borna sine i barne- og ungdomshandballen. Då sistemann la handballskoa på hylla i sommer, kunne Tore med godt samvit byrja å planlegge ein kvardag med nokre færre timar på Vikahaugane og i Landåsen.
Stord Handball er utruleg takksame for innsatsen over alle desse åra, Tore skal ha ein stor del av æra for at me fekk satt Stord på handballkartet på elitenivå - og han har og vore særs sentral i utviklinga av eit større fokus på fysisk trening i klubben.
I dag fekk Tore ein liten merksemd frå klubben i en liten mimre-stund og kaffeprat med styreleiar.
Tusen takk Tore, me sjåast i hallen!
